နောက်ခံအကြောင်းတရား
Poe Sone Kyuu _ Learning Studio သည် မြန်မာနိုင်ငံရှိ ဆရာ၊ဆရာမများနှင့် ကလေးသူငယ်များအတွက် ၂၁ ရာစုတွင် မရှိမဖြစ်လိုအပ်သော ကျွမ်းကျင်မှုများကို လေ့ကျင့်ပျိုးထောင်ပေးနိုင်သည့် စိတ်ဝင်စားဖွယ်ကောင်းသော ပညာရေးဆိုင်ရာ အထောက်အကူပြုပစ္စည်းများကို ပံ့ပိုးပေးခြင်းဖြင့် ၎င်းတို့ရဲ့ ကျွမ်းကျင်မှုတွေကို စွမ်းရည်မြှင့်တင်ပေးနိုင်ရန် ရည်ရွယ်ပြီး တည်ထောင်ထားသည့် လူငယ်ဦးဆောင်လူမှုအကျိုးပြုလုပ်ငန်းတစ်ခု ဖြစ်ပါသည်။ ထို့အပြင် လူမှုအပြောင်းအလဲကို ဖော်ဆောင်ရာတွင် လူငယ်များ၏ အခန်းကဏ္ဍသည်လည်း အရေးကြီးသည်ဟု လက်ကိုင်ထားပြီး ပိုးစုန်းကြူးအဖွဲ့ဟာ ပိုမိုကောင်းမွန်သော မြန်မာ့အနာဂတ်ကို ဖော်ဆောင်နေကြသည့် လူငယ်ပညာတတ်များ၏ ကြံ့ခိုင်နှိုင်စွမ်း၊ တီထွင်ဖန်တီးနိုင်စွမ်းနှင့် ခေါင်းဆောင်မှုကဏ္ဍကို ဦးဆောင်နိုင်စွမ်း စသည်တို့ကို ထင်ဟပ်နိုင်မည်ဟု ယုံကြည်ပါသည်။
းဆောင်နိုင်စွမ်း စသည်တို့ကို ထင်ဟပ်နိုင်မည်ဟု ယုံကြည်ပါသည်။ မြန်မာ့ပညာရေးကဏ္ဍ၏ ကုန်လွန်ခဲ့သော ဆယ်စုနှစ် သုံးခုကျော်ကာလကို ပြန်လည်ကြည့်ပါက များစွာသော အခက်အခဲများကို ရင်ဆိုင်ဖြတ်သန်းနေခဲ့ကြရသည်ကို မြင်တွေ့နိုင်ပါသည်။ အရည်အသွေးပြည့်မှီသော ပညာရေးကိုလက်လှမ်းမှီနိုင်ဖို့ ခေတ်နှင့်အညီလိုအပ်နေသော သင်ထောက်ကူပစ္စည်းများ ရရှိမှုမှာ အကန့်အသတ်ရှိနေခြင်း၊ ပညာသင်ကြားခြင်းမှာ အရေးပါတဲ့ အပြန်အလှန်ဆွေးနွေးသင်ကြားမှုတွေ မရှိခြင်း၊ စသဖြင့် သင်ထောက်ကူပစ္စည်းရှားပါးမှုတွေ၊ ထပ်တလဲလဲ အသုံးပြုနေကြရတဲ့ သင်ကြားနည်းစနစ်တွေသာနှင့်သာ ဖြတ်သန်းနေခဲ့ကြရပါသည်။ အထူးသဖြင့် ကျောင်းပြင်ပ ပညာရေးမှာ သင်ကြားနေကြသော ဆရာ/ဆရာမများအနေဖြင့် စိတ်ဝင်စားစရာကောင်းပြီး အကျိုးရှိတဲ့ သင်ကြားမှုတွေဖြစ်စေဖို့အတွက် သင်ထောက်ကူတွေ ပြင်ဆင်ရင်း အချိန်ကုန်သွားတာမျိုး၊ ခေတ်နောက်ကျနေတဲ့သင်ထောက်ကူတွေနဲ့သာ သင်လိုက်ရတာမျိုး၊ စသည့် အခက်အခဲမျိုးစုံနှင့် ရင်ဆိုင်နေကြတာကို တွေ့ရပါသည်။
မြန်မာနိုင်ငံ၏ လူမှုနိုင်ငံရေးနှင့် စီးပွားရေးမတည်ငြိမ်မှုများကြောင့်လည်း ပညာရေးမှာ ကွာဟချက်ကြီးမားမှုကို ပို၍ဆိုးရွားစေခဲ့ပါသည်။ အထူးသဖြင့် ဝေးလံခေါင်ဖျားသော ဒေသများတွင် သင်ထောက်ကူများ ပိုမိုရှားပါးခဲ့တာကြောင့် ပညာရေးဆိုင်ရာ မညီမျှမှုများကို ပိုမိုဆိုးရွားစေခဲ့ပါသည်။ ဒါ့အပြင် သမားရိုးကျ သင်ကြားရေးနည်းလမ်းများက စာသင်ခန်းများကို လွှမ်းမိုးထားဆဲဖြစ်ရာ ဝေဖန်ပိုင်းခြားတွေးခေါ်မှု၊ တီထွင်ဖန်တီးနိုင်စွမ်းနှင့် လက်တွေ့ဘဝကျွမ်းကျင်မှုများ ဖွံ့ဖြိုးတိုးတက်ရေးအတွက် အကန့်အသတ်ဖြစ်စေတာကိုလည်း တွေ့ရပါသည်။ ထို့အပြင် စုံလင်ကွဲပြားတဲ့ ယဉ်ကျေးမှုတန်ဖိုးများကိုအသိအမှတ်ပြုခြင်းနှင့် အားလုံးပါဝင်နိုင်မှုအပေါ် အလေးထားမှုမရှိခြင်းကလည်း မြန်မာနိုင်ငံ၏ စုံလင်ကွဲပြားသည့် တိုင်းရင်းသားလူမျိုးစုများအကြား အပြန်အလှန်နားလည်မှုနှင့် လေးစားမှုတို့ကို အဟန့်အတားဖြစ်စေပါသည်။ ဒါ့ကြောင့် ပိုးစုန်းကြူးအဖွဲ့သည် ယဉ်ကျေးမှုကွဲပြားစုံလင်မှုကို တန်ဖိုးထားပြီး အပြန်အလှန်လေးစားမှုကို မြှင့်တင်ပေးသည့် ပညာရေးအစီအစဉ်များ အရေးတကြီးလိုအပ်နေပြီဟု ယုံကြည်ပါသည်။
တစ်ချိန်တည်းမှာပင် အလျင်အမြန်တိုးတက်နေသော နည်းပညာကဏ္ဍကိုလည်း လျစ်လျူရှုမထားဖို့ လိုအပ်ပါသည်။ စက္ကန့်နှင့်အမျှ တိုးတက်ပြောင်းလဲနေသည့် နည်းပညာကမ္ဘာတွင် ကလေးသူငယ်များအနေဖြင့် နည်းပညာကို ကောင်းမွန်စွာ အသုံးချတတ်စေဖို့နှင့် လုံခြုံစွာ အသုံးပြုတတ်စေဖို့လည်း လိုအပ်လာပါသည်။ Poe Sone Kyuu_Learning Studio အနေဖြင့် ဒီဂျစ်တယ်အတတ်ပညာအပြင် ငွေကြေးဆိုင်ရာ အသိပညာ၊ သဘာဝပတ်ဝန်းကျင်ဆိုင်ရာ အသိပညာ၊ လူမှုရေးနှင့် ယဉ်ကျေးဆိုင်ရာ အသိပညာ စသည်တို့ကို ပေါင်းစပ်လေ့လာနိုင်မယ့် ရပ်ဝန်းတစ်ခုကို ဖန်တီးခြင်းဖြင့် ခေတ်သစ်ကမ္ဘာ၏ ရှုပ်ထွေးနက်နဲသည့် ဘက်စုံပညာရေးအခြေခံအုတ်မြစ်တစ်ခုကို တည်ဆောက်နိုင်လိမ့်မည်ဟု ယုံကြည်ပါသည်။
ထိုကဲ့သော ဦးစားပေးဖြေရှင်းရမည့် လိုအပ်ချက်များကို လက်ကိုင်ထားပြီး Poe Sone Kyuu_Learning Studio ကို မညီမျှသောညာရေးကဏ္ဍအားတန်းညှိပေးနိုင်ရန် စဉ်ဆက်မပြတ် အသုံးပြုနိုင်မည့် သင်ကြား/သင်ယူမှုရပ်ဝန်းတစ်ခုကို ဖန်တီးနိုင်ရန်အတွက် အုတ်မြစ်ချတည်ထောင်ထားခြင်းဖြစ်ပါသည်။ ပိုးစုန်းကြူးမှာ ဒစ်ဂျစ်တယ်နိုင်ငံသားဖြစ်မှု၊ ငွေကြေးဆိုင်ရာစီမံခန့်ခွဲမှုပညာ၊ မြန်မာစကားမြန်မာစာ၊ ပတ်ဝန်းကျင်ထိန်းသိမ်းရေးပညာနှင့် ဘဝတွက်တာ ကျွမ်းကျင်မှုများ ဆိုသည့် ပညာရပ်နယ်ပယ်အစုံကို စိတ်ဝင်စားဖွယ်ဖတ်စာအုပ်များ၊ ဒစ်ဂျစ်တယ်စာသင်ခန်းများနှင့် သင်ကြားရေးဂိမ်းများကို ဆန်းသစ်တီထွင်သောနည်းလမ်းများဖြင့် ဖန်တီးထားပါသည်။ ယခုလို လက်တွေ့ဘဝတွင် အသုံးချနိုင်မည့် သင်ကြား/သင်ယူမှု သင်ထောက်ကူများက ကလေးသူငယ်များနှင့် ဆရာ/ဆရာမများအား ၂၁ - ရာစုတွင် လိုအပ်သည့် စွမ်းရည်များကို မြှင့်တင်ရာတွင် အမြဲမပြတ်လေ့လာအသုံးချနိုင်လိမ့်မည်ဟု ယုံကြည်ပါသည်။
အားလုံး အတွက်
မိဘ နှင့် ဆရာ/ဆရာမ များအတွက်
ကလေးများ အတွက်
ကျွန်ုပ်တို့ အဖွဲ့ဝင်များ
Man face fruit divided seasons herb from herb moveth whose. Dominion gathered winged morning, man won’t had fly beginning
Aurelia
Aurelia
Instructional & Educational Media Designer
Experience and specialization:
With extensive experience in the mental health field, non-profit sector, and microfinance industry, I bring a strong background in instructional design, bilingual content development (English–Burmese), auditing, and graphic design.
I specialize in designing and producing educational media and learning materials for both in-person and digital delivery. My work includes developing interactive e-learning modules, conducting training needs assessments, and collaborating with subject matter experts to create engaging, accessible content.
Proficient in multimedia production and learning technologies, I create learner-centered experiences that effectively integrate pedagogy, technology, and visual design to maximize engagement and retention.
Fun facts: I'm passionate about using media to empower young learners.
